Në nëntor të vitit 2025 filloi fushata „Heronj në të gjitha ngjyrat”, e realizuar nga Fondacioni „Dr. Verica Mehanxhiska” dhe „Zegin”. Në kuadër të kësaj fushate flitet për kërkimet, inovacionet dhe tejkalimin e sfidave të lidhura me çrregullimin e spektrit të autizmit. Ky aktivitet është vazhdimësi e përkushtimit shumëvjeçar të Fondacionit dhe „Zegin”-it për përmirësimin e cilësisë së jetës së personave me çrregullim të spektrit të autizmit. Kjo fushatë është e destinuar për prindër, studiues, edukatorë specialë, pedagogë, mjekë, mësues, përfaqësues nga OJQ-të, si dhe ishin të pranishëm studentë nga fakultetet pedagogjike dhe fakultetet për edukim special dhe rehabilitim, si dhe përfaqësues nga komunitetet lokale. Pjesëmarrja në fushatë tregon një nevojë të madhe shoqërore për të folur për këtë temë dhe për të kontribuar bashkërisht drejt zgjidhjeve për tejkalimin e sfidave në shoqëri dhe për një komunitet më gjithëpërfshirës, më human dhe më të drejtë për të gjithë.
Fushata realizohet në të 8 rajonet planifikuese në mbarë vendin, dhe në këtë mënyrë i sjellim folësit dhe temat frymëzuese më pranë vendbanimit të qytetarëve tanë, si dhe hapet mundësia shtesë për të folur për kontekstin dhe sfidat lokale.
Gjatë realizimit të ngjarjeve u zbatua edhe një model shtesë për gjithëpërfshirje, që përfaqëson një mundësi për prindërit dhe ligjëruesit që të ndjekin programin pa pengesa. Gjegjësisht, në një dhomë të veçantë pranë sallës ku mbahen ngjarjet, u organizuan aktivitete me edukatorë specialë. Në ngjarjet, prindërit marrin me vete edhe fëmijët e tyre, të cilët kalojnë kohën në një dhomë me elemente ndijore qetësuese, zona imagjinative për lojë dhe të nxënë, si dhe mjete që i ndihmojnë fëmijët të eksplorojnë dhe të përparojnë.
