Фондацијата „Д-р Верица Механџиска“ донираше и ја поддржа Дванаесеттата балканска конвенција за млади што го победиле канцерот, која се реализира во организација на Здружението „САНО“. Младите сарвајвери (како што меѓусебно се нарекуваат) во Струга имаа можност да се дружат и да ги споделат своите искуства, како се лекувале, кои се нивните предизвици во животот, но и како понатаму. Овие херои со својот животен успех се поттик и мотив за многу како нив, мали херои, кои во моментот се борат и се доказ дека на крајот од тунелот има светлина.
